’n Veertigtal stories deur een van die gewildste skrywers in Afrikaans. Stories met humor én met droefheid, van dinge wat verander het en dinge wat dieselfde bly, oor families en oor vreemdelinge. “Die mens is die storie, die storie is die mens,” het Dana, selferkende storiesmous, by geleentheid gesê. En soos in sy eerste twee bundels, Uit die binneland en Anderkant die scrap, gee hierdie versameling stories weer ’n deernisvolle blik op ménse: gewone mense en al hul dinge, mense in dorpe en stede en afgeleë streke. Dít is baasverteller en veelbekroonde joernalis Dana Snyman se geheim, sy respek vir en simpatie met mense. En die gevoel van hoop waarmee sy stories die leser laat.