Maggie is die merkwaardige verhaal van 'n Afrikaanse tienermeisie en haar belewenis van die Anglo-Boereoorlog.

Margaretha (Maggie) Jooste was net 13 jaar oud toe die oorlog uitbreek en haar lewe onherroeplik verander. Ná maande se huisarres in Heidelberg, Transvaal, is sy, haar ma en jonger broers en susters na 'n konsentrasiekamp in Natal. Daar ervaar hulle honger, onsekerheid en verlies, maar ook die verrassende goedhartigheid van Britse soldate.

Hierdie baie persoonlike vertelling, in haar eie woorde, is 'n verhaal van swaarkry, maar ook van medemenslikheid en vriendskappe oor vyandsgrense. 'n Goue draad is die band tussen die Joostes en die Engelssprekende Russell-familie wat lank voor die oorlog bure en vriende was. Terwyl die Britse soldate en Boerekommando's oorlog voer, voorsien die Russells in die geheim kos aan die Joostes om hulle te help oorleef, en ondersteun hulle ook ná die oorlog.

'n Aangrypende en diep ontroerende, maar ook hartverskeurende, ware verhaal.