’n Boek wat Christene sal help om tot geestelike volwassenheid te groei. Ons is almal op ’n reis na die ewigheid, maar die pad wat ons loop is besaai met versoekings en om heilig te leef is ’n uitdaging. Tog roep die Here alle gelowiges op tot heiligmaking. Hoe doen ’n mens dit? Deur die krag van die Heilige Gees is dit moontlik om gehoorsaam te wees aan hierdie opdrag en die wil van God te doen. Hierdie boek oor heiligmaking wys jou hoe. Dit bespreek al die verskillende aspekte van heiligheid sodat die gelowige toegerus kan word om God se opdrag uit te voer. Die Here wil jou heilig en toerus om ’n lewe van vervulling te lei.