For more information on COVID-19 and how to prevent infection, visit sacoronavirus.co.za.

Skryf Afrikaans van A tot Z: die essensiële gids vir taalgebruikers

Dalene Müller, Faan Pistor

ISBN:

9781868901128

Uitgewer:

Pharos

Datum Vrygestel:

Februarie 2012

Prys (incl. VAT):

R 485,00

Formaat:

Sagteband, 735pp


Oor hierdie boek:

Sedert die verskyning van die titel in 2003 was daar veranderinge op die wêreldtoneel, in die Suid-Afrikaanse mediabedryf, aan die taalfront en in die praktyk van wetenskaplike teksversorging wat die hersiening van dié toonaangewende stylgids genoodsaak het.

Een daarvan was die verskyning van die tiende, omvattend herbewerkte uitgawe van die Afrikaanse woordelys en spelreëls in 2009.

In die hersiene uitgawe van SAAZ word spesiaal aandag geskenk aan die korrekte, wetenskaplike gebruik van elektroniese (naslaan)bronne.

As gevolg van die verskyning van Afrikaanse poniekoerante op die plaaslike mediatoneel word daar ook kortliks gekyk na die universele verskille in die onderskeie taalbenaderings van hoofstroom- en poniekoerante.

Die bestaande twee dele van SAAZ is dus hersien en bygewerk, en 'n derde, kort deel bygevoeg oor die praktyk van professionele, wetenskaplike teksversorging.

SAAZ bevat ook 'n lys voorbeelde en verduidelikings van 100 van die algemeenste soorte foute wat in Afrikaanse skryf- en redigeerwerk gemaak word, asook 'n lys Kaapse vernakulêre Afrikaanse woorde en uitdrukkings (Kaapsevlakteafrikaans).