Die Lewensvaardighede Onderwysersgids is volgens die vereistes van die Kurrikulum- en assesseringsbeleidsverklaring (KABV) vir Graad 2. Die gids bevat ’n jaarplan vir die vak, vier kwartaalplanne, moontlike tydskedules vir ’n week en volledige, daaglikse stap-vir-stap-onderrigplanne vir 40 weke. Die onderrigplanne sluit die volgende in: die weeklikse onderrigplan, wenke en noodsaaklike inligting as agtergrondkennis voordat die lesse aangepak word, die rympies en liedjies wat in die onderrigplanne genoem word, volledige stap-vir-stap-lesse vir elke dag en leiding om die voorgeskrewe assesseringstake te voltooi. 

Die CD in die Onderwysersgids bevat die jaar- en kwartaalplanne vir die vak sodat die onderwyser dit kan uitdruk en byderhand hou, volkleurhulpbronne vir die onderwyser se belangstellingstafel, die gratis voorgeskrewe werkvelle, die temagerigte stories en musieknotasies wat in die onderrigplanne genoem word en die assesseringskriteria.