Volgens Levitikus is varke “onrein” en mag ons nie varkvleis eet nie. As jy egbreuk pleeg, verdien jy om doodgemaak te word, en ’n vrou durf nie aanbid sonder ’n hoofbedekking nie.
Hoe verstaan ons sulke tekste? Ons aanvaar immers die Bybel se oppergesag? Maar hoe kan ons sekere tekste aanvaar en ander nie?
Met Die Bybel in fokus lei drie kenners jou deur die slaggate en wys jou hoe om die Bybel gelowig – maar tog ook krities – te lees.
Die skrywers
• verduidelik struikelblokke wat ons lees van die Bybel kan ondermyn
• gee raad en hulpmiddels oor hoe om dié kwessies te verstaan en te oorkom, en
• bied ons vastrapplekke van waar ons opnuut God se stem uit die Bybel kan hoor.

’n Boek wat lig werp op moeilike vrae, maar wat geskryf is sodat dit maklik lees. Jy sal agter die interessantheid aan wil lees, maar kan dit ook met nut as handleiding vir groep- en persoonlike Bybelstudie gebruik.

eBook Platforms:
Amazon
Snapplify
Kobo