Covid-19 het die wêreldekonomie soos ’n atoombom getref. Die markte het oornag getuimel en die pandemie het groot skade aan die geldsake van individue én maatskappye aangerig.
Skielik lyk die wêreld en die toekoms uiters wankelrig.
Wat nou? Hoe hou ek kop in sulke onseker tye? Hoe maak ek voorsiening en sorg dat ek en my gesin finansieel oukei is te midde van hierdie – en ander – krisisse?
Theo Vorster, uitvoerende hoof van Galileo Capital, is een van die land se voorste welvaartkenners. In
Jou geldsake gee hy riglyne oor hoe om rasionele langtermynbesluite in moeilike en uitdagende omstandighede te neem. Hy bespreek die bedreigings wat jou finansiële reis kan laat ontspoor en gee die goue reëls wat jou sal help met besluitneming in krisistye. Hy gee ook waardevolle riglyne oor wat om te doen om te verseker dat jy te midde van onsekerheid, vrese en markwisselvalligheid steeds jou beleggingsbestemming kan bereik.
Onsekerheid en krisistye laat baie mense moedeloos en vuisvoos, maar dit hoef nie. Met die regte kennis kan jy en jou gesin moeilike tye oorleef en finansieel aanhou floreer.
Available at: