Annelize Slabbert was 'n joernalis in Johannesburg en haar man, Gerard, 'n apteker. Toe word hulle moeg vir die lewe in die stad en verhuis sak en pak na Botswana. In die son en sand van die Sentraal-Kalahari gaan hulle 'n luukse lodge bestuur.
Min het hulle geweet wat wag.
Tussen die luiperdwyfie in die slaapkamer, die dansende Russe en “wilde diere” in die swembad, sal 'n Luiperd in my bed jou laat lê van die lag . . . en jou twee keer laat dink voor jy jou eie landelike idille aandurf.