Demi-Leigh Tebow was Mej Suid-Afrika en Mej Heelal in 2017. Sy​ is deesdae 'n entrepeneur, smaakmaker en spreker wat in die VSA bly saam met haar man Tim en hul drie hondekinders. Demi streef daarna om alle mense met deernis te hanteer en gebruik haar enterepeneuriese gees en sosialemedia-teenwoordigheid om verandering teweeg te bring. 

Rorisang Thandekiso is in die Vrystaat gebore en het skoolgegaan in die Vaaldriehoek. Sy het Internasionale Betrekkinge studeer aan die Universiteit van Pretoria. Sy was as kinderster ’n aanbieder van YoTV en Blue Couch. Sy is ’n ervare radio- en TV-aanbieder, vervaardiger en inhoudskepper, en ’n uitgesproke Christen.  

Marin Auer behaal ’n graad in medies aan die UK. Ná haar studies werk sy vir lank in staathospitale voordat sy besluit om privaat te praktiseer. Marina woon saam met haar gesin – twee tieners, twee katte, en haar man – in Hillcrest, KZN. ​Single Minded, ​haar nuuste roman, was in 2022 vir The Island Prize gekortlys.

Francois van Coke is die verhoognaam van Francois Badenhorst. Hy het bekendheid verwerf as die voorsanger van die Afrikaans rockgroepe Fokofpolisiekar en Van Coke Kartel. In 2015 het hy sy solo musiekloopbaan geloods. Hoe ek dit onthou, geskryf saam met Annie Klopper, is sy eerste publikasie. 

P.P. Fourie is gebore in die Vrystaat en het skoolgegaan in Clarens, Bloemfontein, en Oudtshoorn. Tans woon hy op Wellington. Sy debuutroman, The Heart Is The Size of a Fist, is tesame met die Afrikaanse vertaling,’n Hart is so groot soos ’n vuis, uitgegee. Twee spanningsromans het gevolg: Ons skulde en Die dood van Rachel April. 

TJ Strydom is ’n skrywer en sakejoernalis wat sy tande by Beeld, The Times, Reuters en Sunday Times ​geslyp het. In 2019 verskyn sy eerste biografie, Christo Wiese: Risiko & rykdom, gevolg deur Koos Bekker’s Billions in 2022. Strydom het in Pietermaritzburg grootgeword en op Stellenbosch studeer. Hy is getroud en woon in Johannesburg.

Veteraan-joernalis en skrywer Jacques Pauw het al geskryf vir van SA se mees gerespekteerde publikasies. Hy het verskeie toekennings ontvang, insluitend CNN se Joernalis van die Jaar vir Afrika, die toekenning vir Uitstaande Internasionale Ondersoekende Verslagdoening, en die Nat Nakasa-toekenning vir dapperheid en integriteit in joernalistiek.

Johannes de Villiers is ’n skrywer en meditasie-instrukteur. Hy lei landwyd slypskole en naweekkursusse oor meditasie, bewuste teenwoordigheid en positiewe sielkunde. Hy is ook mede-aanbieder van die program Vol Vreugde op RSG. Johannes was jare lank joernalis, en ook voorheen dosent in joernalistiek aan die Universiteit van Stellenbosch.

Irma Venter is ’n bekroonde joernalis en misdaadskrywer en woon in Kaapstad. Sy is die eerste Suid-Afrikaanse skrywer wat internasionaal uitgegee is deur Amazon Crossing. Sy wen twee keer ’n AKTV-Woordveertjie in die spanningsgenre  ̶  vir Skoenlapper en Die verkeerde vrou. Vyf van haar titels is in Engels vertaal. 

 

 

Internasionaal bekende skrywer Deon Meyer woon op Stellenbosch. Sy publikasies sluit in dertien misdaadromans (onder meer Spoor, 2010, 7 Dae, 2011, Kobra, 2013, Ikarus, 2015, Koors, 2016, Prooi, 2018, en Donkerdrif, 2020). Orion, Proteus en Infanta is met die ATKV-prosaprys bekroon en Prooi met die ATKV-prys vir Spanningsfiksie.