Salamina Mosese is 'n aktrise, aanbieder en vervaardiger. Sy is bekend as aanbieder van Top Billing en haar rol in reekse soos Sewende Laan, Soul City en Erfsondes. Sy is besturende direkteur van Sorele Media en was onlangs vervaardiger van en aktrise in die gewilde film, Baby Mamas. Sy woon in Johannesburg saam met haar man en twee dogters.  

Marie Lotz is gebore en getoë in Benoni, en behaal haar honneurs in toegepaste linguistiek by Universiteit van Johannesburg. Sy het meer as twintig jaar ervaring as tekswerker, eers by Beeld, later by Jacklin, en deesdae as voltydse persklaarmaker van mediese en regsverslae. Sy woon in Pretoria en het een seun. Roofdier is die eerste in die reeks.   

Jaco Strydom is die leier van Echo Jeugontwikkeling en deeltyds gekoppel aan Villieria Gemeente. Sy skryfwerk verskyn die afgelope tien jaar in onder andere Beeld, Rapport, Finesse, Kerkbode, Maroela Media en Weg. Hy is ook 'n gereelde blogger. Hy woon tans in die Echo-gemeenskap in Villeria. Jaco het studeer by NWU en UP.   

 

Joha van Dyk is ’n nagraadse student aan die US. Sy het grootgeword op ’n plaas in Kleinzee, Namakwaland. Sy het haar Meestersgraad in Engels in 2020 verwerf, cum laude. Tans werk sy aan haar Phd in Engels, terwyl sy deeltyds tutor. Van haar gedigte is opgeneem in Penseel en Versindaba. Branderjaer was haar debuutroman in 2020.   

Chase Rhys (1989) is 'n romanskrywer, rubriekskrywer, dramaturg en draaiboekskrywer van Kaapstad. Hul debuutboek Kinnes het in 2019 die K. Sello Duiker-prys en die kykNET-Rapport-prys in die rolprentkategorie gewen. Chase se Suikewate-rubriek word in Rapport gepubliseer. 

Stephan Joubert is ’n teoloog, bekroonde skrywer, prediker en ’n gesinsman. Hy is hoof van eKerk en ’n buitengewone professor by verskeie universtiteite. Hy skryf rubrieke in Beeld en JUIG! Die Boodskap, saam met Jan van der Watt, is een van die mylpale in sy lewe. Stephan het al meer as 55 titels uitgegee en meer as 200 000 boeke verkoop. 

Rudie van Rensburg woon in Kaapstad en het al elf uiters gewilde spanningsverhale geskryf: Slagyster, Kopskoot, Judaskus, Pirana, Kamikaze, Ys, Medusa, Vloek, Merk, Hartedief en Monster, en die topverkopende komiese romans Hans steek die Rubicon oor, Hans gee Herklaas horings, Hans bars die bioborrel en Hans hou sy lyf Sherlock.

Marnus Hattingh het sy skoolloopbaan in Bellville voltooi, en ’n MA in Hebreeus by Kovsies behaal. Hierna het hy ’n honneurs in Joernalistiek by Maties voltooi, en as beurshouer by Die Burger as verslaggewer begin werk. Vandag is hy die nasionale motorredakteur van Afrikaanse koerante. Zanzibar Zen is sy debuutroman. Hy woon op Pringlebaai.  

Internasionaal bekende skrywer Deon Meyer woon op Stellenbosch. Sy publikasies sluit in twaalf misdaadromans (onder meer 13 Uur, 2008, Spoor, 2010, 7 Dae, 2011, Kobra, 2013, Ikarus, 2015, Koors, 2016, en Prooi, 2018). Orion, Proteus en Infanta is met die ATKV-prosaprys bekroon en Prooi met die ATKV-prys vir Spanningsfiksie.

Charné Kemp is 'n bekroonde ondersoekende joernalis en skrywer. Sy het naam gemaak in die Afrikaanse media deur haar werk vir verskeie gewilde publikasies soos Rapport, Volksblad, Beeld, Netwerk24, Rooi Rose, Insig and Sarie.
Sy is die skrywer van Moord op Griekwastad en Bloed, dunner as water. Charné woon in Kimberley.