As die appelkoosbome van Soweto kon praat, watter stories sou hulle vertel? Dié kortverhaalbundel bied 'n verbeeldingryke antwoord; dit vang met 'n satiriese aanslag die dinamiek van die township en omliggende gebiede vas. Lewe en dood word verweef in verhale waar begrafnisse en voorvaders sterk figureer; waar begraafplase plekke word om jou nuwe motor af te wys en die jongste skindernuus te hoor.
Kom sit onder die appelkoosboom en word geboei deur verhale wat vermaak én stof tot nadenke bied.