Ná die ongelooflike sukses van Benescke Janse van Rensburg se eerste boek, Ontdek God in die stories van mense, het hierdie dagstukkieboek uit haar pen verskyn. Dit is nie net daaglikse oordenkings vir die individu nie, maar kan ook dien as ’n Bybelstudieboek vir groepe. Dis die eerste titel in Lux Verbi se nuwe Bybelstudiereeks – Ontdek God in die Bybel. In dieselfde trant as Ontdek God in die stories van mense behandel Benescke elke hoofstuk van Spreuke aan die hand van ’n inspirerende, ware storie uit iemand se lewe.