Al vier bundels (Jonkmanskas, Die hemel help ons, Slagplaas en Weifeling) van hierdie grensverskuiwende skrywer word in hierdie versameling weer beskikbaar gestel, 25 jaar ná die verskyning van die eerste boek in 1982. Belangrike temas in sy werk is die bemoeienis met die skryfdaad, die vervlegting van werklikheid en fiksie, die eie familiegeskiedenis, die Suid-Afrikaners se militêre stryd en die homoërotiek. Hy is beskou as die voorste eksponent van die gay prosa in Afrikaans. Hy is in 1994 op die ouderdom van 37 oorlede.