Demi-Leigh Tebow was Mej Suid-Afrika en Mej Heelal in 2017. Sy​ is deesdae 'n entrepeneur, smaakmaker en spreker wat in die VSA bly saam met haar man Tim en hul drie hondekinders. Demi streef daarna om alle mense met deernis te hanteer en gebruik haar enterepeneuriese gees en sosialemedia-teenwoordigheid om verandering teweeg te bring. 

Jana du Plessis Müller is ’n vryskut kopieskrywer, joernalis en digitale bemarker. Sy het ’n MA in Kreatiewe Skryfkuns en haar twee chick lit boeke Vat ’n gap en Mieke rock uit het by Tafelberg verskyn. Sy woon in Riebeek-Wes, saam met haar geliefde man en nog meer geliefde kat, Abby Grace.

Rorisang Thandekiso is in die Vrystaat gebore en het skoolgegaan in die Vaaldriehoek. Sy het Internasionale Betrekkinge studeer aan die Universiteit van Pretoria. Sy was as kinderster ’n aanbieder van YoTV en Blue Couch. Sy is ’n ervare radio- en TV-aanbieder, vervaardiger en inhoudskepper, en ’n uitgesproke Christen.  

Ná ’n hoogs suksesvolle medialoopbaan van meer as 40 jaar, skryf Irna van Zyl die afgelope agt jaar voltyds. Haar debuutkrimi was Moordvis, en daarna volg Gif​beker, Bloedsteen en Op ’n mooi dag. Al vier titels het ook in Engels verskyn, en Bloedsteen is in Armeens vertaal. Kwaaiwater is haar vyfde spanningsroman. Sy woon in Hermanus.

Dan Mafora is the senior researcher at the Council for the Advancement of the South African Constitution. He previously worked for the Constitutional Court of South Africa. He is also a master's student working on his thesis in constitutional law and theory at the University of Cape Town, a city he now calls home.

Francois van Coke is die verhoognaam van Francois Badenhorst. Hy het bekendheid verwerf as die voorsanger van die Afrikaans rockgroepe Fokofpolisiekar en Van Coke Kartel. In 2015 het hy sy solo musiekloopbaan geloods. Hoe ek dit onthou, geskryf saam met Annie Klopper, is sy eerste publikasie. 

Ivor Swartz is 'n bekroonde skrywer van Constantiapark, Pretoria. Hy is jeugleraar by Pretoria Oosterlig. Hy is getroud met Nadine en het 'n seun. Hy was onlangs te sien in die Netwerk24 TV-reeks Ons vir jou. Ivor het 'n sterk sosiale media aanhang en was te siene op Via in die reeks Kies die lewe. 

Veteraan-joernalis en skrywer Jacques Pauw het al geskryf vir van SA se mees gerespekteerde publikasies. Hy het verskeie toekennings ontvang, insluitend CNN se Joernalis van die Jaar vir Afrika, die toekenning vir Uitstaande Internasionale Ondersoekende Verslagdoening, en die Nat Nakasa-toekenning vir dapperheid en integriteit in joernalistiek.

Irma Venter is ’n bekroonde joernalis en misdaadskrywer en woon in Kaapstad. Sy is die eerste Suid-Afrikaanse skrywer wat internasionaal uitgegee is deur Amazon Crossing. Sy wen twee keer ’n AKTV-Woordveertjie in die spanningsgenre  ̶  vir Skoenlapper en Die verkeerde vrou. Vyf van haar titels is in Engels vertaal. 

 

 

Internasionaal bekende skrywer Deon Meyer woon op Stellenbosch. Sy publikasies sluit in dertien misdaadromans (onder meer Spoor, 2010, 7 Dae, 2011, Kobra, 2013, Ikarus, 2015, Koors, 2016, Prooi, 2018, en Donkerdrif, 2020. Orion, Proteus en Infanta is met die ATKV-prosaprys bekroon en Prooi met die ATKV-prys vir Spanningsfiksie.