Klawerjas

Adam Small

ISBN:

9780624065456

Epub ISBN:

9780624065463

Publisher:

Tafelberg

Date Released:

September 2013

Price (incl. VAT):

R 250.00

Format:

Hard cover, 148pp


About this book:

Ná veertig jaar is daar weer ’n Afrikaanse digbundel deur Adam Small. Ná Oos Wes Tuis Bes Distrik Ses (1973) het hy demonstratief net in Engels begin dig, en ná sy drama Krismis van Map Jacobs (1983) het sy skrywerstem stil geword. Daar was altyd die vermoede dat hierdie stilte grootliks toegeskryf kon word aan die verwerping wat hy aan die hand van taalgenote ervaar het. Verlede jaar is die Hertzogprys uiteindelik aan hom toegeken, en vanjaar verskyn nie net hierdie digbundel nie, maar ook sy Afrikaanse drama Goree, wat in 1978 in Engels geskryf is. Small gee in die titelgedig van die bundel te kenne dat Klawerjas ’n uitvloeisel is van ’n bestaanswyse, ’n uiting gee aan die gewaarwording dat hy te midde van soveel armoede en verknegting een van diegene is wat darem nog woorde het “wat aftas teen die mure van ons donker kamers van bestaan, al soekend na die deure, openinge na die lig”. Hy voeg sy stem by Van Wyk Louw en verklaar dat hy te midde van onreg nie juis anders kan nie as om te skryf, te praat en te probeer oorreed. Hy dig in dié bundel: “Daar’s dié van ons wie nie sonder / poësie kan leef nie. Niemand hoort sonder die ervaring van die ritmiese / golwing en osmose van die fyn-gekose / sin en woord.” Maar wat hy vir homself toe-eien gun hy ook ander. Sy poësie is dan juis ook gedigte vir ander, vir gewone mense. Hy skryf: “Daarom is dit vir ’n digter nodig / om telkemale ’n vers publiek / die lig te laat sien, poësie toeganklik / te maak, en mense so te dien - soos / hierdie gedig-vol-dankbaarheid . . .” Hoewel hy in hierdie bundel in gesprek tree met mededigters, skrywers, filosowe en ander kunstenaars, skryf hy vanuit die oortuiging dat sy gedigte bestem is “vir gewoon-intelligente mense” en dat dit “hoegenaamd nie 'n vertoon van geleerdheid en obskure hoogdrawendheid moet wees nie”. Klawerjas bevat gedigte wat spreek van deurleefde ervaring, diepe oortuiging en ’n opregte meegevoel met die lot van die veronregtes. Dit is praatverse wat getuig van ’n fyn oor vir die musikaliteit van die alledaagse, die melodie wat spontaan en ongekunsteld opklink as jy die doodgewone in verwondering gade slaan.

RELATED BOOKS

Plunder

Antjie Krog

’n Hunkering se grein

Johann de Lange

Al die lieflike dade

Charl-Pierre Naudé

om te lewe is onnatuurlik

Gert Nel

'n Vry vrou

Antjie Krog, Karen de Wet

Nou, hier

Corné Coetzee

Kinderlê

Lynthia Julius

Pienk ceramic-hondjies

Ryan Pedro

die na-dood

Breyten Breytenbach

Derde gety

Zandra Bezuidenhout

Moerstaāl

Loit Sōls

Fotostaatmasjien

Bibi Slippers

Soekenjin

Bibi Slippers

Radbraak

Jolyn Phillips

Mede-wete

Antjie Krog

Oolog

Nathan Trantraal

Vers en vlam

Jeanette Ferreira

Kryt

Hennie Nortjé

Die lewe is 'n asem lank

Frieda van den Heever, Frieda van den Heever

Vers & vrou

Karen de Wet

Versjoernaal - Nuwe benadering tot poësie

Lucas Malan

Die meeste sterre is lankal dood

Johann de Lange

Asof geen berge ooit hier gewoon het nie

Pieter Odendaal

Nou in infrarooi

Tom Dreyer

Mens dier ding

Alfred Schaffer, Zandra Bezuidenhout

Jan, Piet, Koos en Jakob

Loftus Marais

Junior verseboek

D.J. Opperman

Vyf-en-veertig skemeraandsange

Breyten Breytenbach

Die singende hand

Breyten Breytenbach

Versamelde poësie

D.J. Opperman

Ingrid Jonker: Versamelde gedigte

Ingrid Jonker

Ontaard

Pieter Odendaal

Swatland

Ashwin Arendse

Stil punt van die aarde

Johann de Lange

Nuwe Stemme 6

Bibi Slippers, Charl-Pierre Naudé

Die maan is swart

Adam Small, Ronelda Kamfer

Môre en gistraand en die einde van die maand

Philip De Vos

Alles het niet kom wôd

Nathan Trantraal

In die stille agterkamer

Marlene van Niekerk

Nootvat. Kwashaal. Stapel

Bernard Odendaal

Immigrant

Ena Jansen, Elisabeth Eybers

op weg na kû

Breyten Breytenbach

Hammie

Ronelda Kamfer

Kaar

Marlene van Niekerk

Rooiborsduif

Breyten Breytenbach, Charl-Pierre Naudé

Bientang

Jolyn Phillips

Die stomme aarde: 'n keur

Wilma Stockenström

Chinatown

Ronelda Kamfer

Uit die kroes

Lynthia Julius

Gesant van die mispels

Marlene van Niekerk