Dié daaglikse oordenkings oor Psalms maak deel uit van die Bybelstudiereeks Ontdek God in die Bybel. Dit bied 31 oordenkings vir die individu, maar kan ook dien as ’n Bybelstudieboek vir groepe. In dieselfde trant as met Ontdek God in die stories van mense behandel Benescke Janse van Rensburg elke hoofstuk van Psalms aan die hand van ’n inspirerende, ware verhaal uit iemand se lewe.
Die eerste boek in die Bybelstudiereeks was Wysheid: Daaglikse oordenkinge oor Spreuke.
Benescke Janse van Rensburg is ’n bekende en geliefde radio- en TV-aanbieder wat ook verantwoordelik is vir die Vers-’n-Dag- elektroniese dagstukkies. Sy skryf vir verskeie geestelike en inspirasietydskrifte en tree gereeld as motiveringspreker op.