Baie mense glo “rykdom” het te make met hoeveel besittings, status en mag ’n mens het. En dat jou lewe gejaagd en verwikkeld moet wees om te tel. Maar hoe leeg en arm laat dit jou uiteindelik innerlik? Daarom vra Willem Nicol of daar nie groter rykdom lê in ’n alternatiewe leefstyl en waardestelsel van eenvoud nie. Die rotteresies het ’n gepaste simbool vir ons tyd geword: ’n mal gejaag . . . waarheen? Gelowiges, veral, kan besluit om hul lewe te vereenvoudig, sodat hulle meer tyd en krag het om te fokus op die wesenlike waardes. Dan sal daar iemand wees om vir die gejaagdes hoop te gee dat vryheid en ‘n rustiger lewe wel moontlik is. Rykdom in eenvoud handel oor hierdie pad na so ’n alternatiewe leefstyl. Dit wys hoe eenvoud jou lewe op verrassende wyse kan verryk.