Dis deel van die mens se samestelling om ongeneeslik romanties te wees. Ons besef dit nie altyd nie, maar God is net so romanties, sê Rassie en Marietjie Malherbe.
Die huwelik is ’n belangrike deel van God se plan vir ons. Hy het ons gemaak om mooi, gelukkige en vervulde huwelike te hê – ’n stukkie hemel op aarde. Ongelukkig leef ons in ’n tyd waarin dit wat God bedoel het om mooi te wees, lelik gemaak word. Al minder mense sien die huwelik as ’n instelling waarin hulle ’n verantwoordelikheid teenoor hulle lewensmaat, God, hulle kinders en die samelewing het.
Rassie en Marietjie Malherbe glo hul gelukkige huwelik van 35 jaar is aan God se genade te danke. God gee ons in sy Woord bepaalde sleutels en riglyne vir ’n suksesvolle, Godgesentreerde huwelik wat in alle huwelike toegepas kan word. In Hemel op aarde deel Rassie en Marietjie hierdie sleutels en riglyne met lesers