Toe sy ná tien jaar weer vir Hilgard Geldenhuys sien, besef Marli Conradie dat haar tienerliefde vir die man voor wie sy grootgeword het, in die dieper liefde van ’n vrou verander het. Ongelukkig behandel Hilgard haar steeds soos sy klein “asjas” wat hy teen die lewe moet beskerm. Hulle keer saam terug na Groeneweide, waar die wyse tant Alma Marli onder haar vlerk neem – veral toe Marli uitvind dat die flerrie van ’n Ulricke Starck haar verleidelike net vir Hilgard gespan het.