Die tweede verhaal in die Meissner-trilogie, deur die koningin van Afrikaanse liefdesverhale. Julene Meissner verlaat die veilige hawe van die Meissner-kliniek om haar by haar biologiese pa in Switserland aan te sluit. Nóg hy nóg sy vrou van veertig jaar weet egter van haar bestaan. Julene besef gou dat sy nie Switserland haar nuwe tuiste wil maak nie, en aanvaar ’n tydelike pos as persoonlike geneesheer van ’n Turkse meisie wat haar rug in ’n ski-ongeluk beseer het. Maar sy is nie voorbereid op die sjarme en magnetisme van Istanboel – en veral een inwoner van dié Turkse stad – nie.