Elise Veldman, die beeldskone, vurige rooikoponderwyseres van Sonnerus, se liefde vir die aantreklike Armand van Rijn is besig om haar te verteer. Sy kan nie die warmte van sy liefkosings weerstaan nie, maar word getreiter deur sy reputasie as ’n Don Juan. Dalk moet sy maar liewer met die betroubare maar onopwindende dokter Piet Beukes, wat so lief vir haar is, trou. Maar of die besitlike, vurige Armand dit gaan toelaat, is ’n ander vraag.