Dis stiller, veiliger . . . en verveliger? “Onwillige Voortrekkers” is wat Fred de Vries die 21ste eeuse Afrikaners noem wat hulle oorsee gevestig het. Hoe ervaar hulle die lewe in Perth of Melbourne? Is dit nie net sissies of verraaiers wat die hasepad kies nie? Hy gesels onder meer met die Claassens, die De Villierse van Fremantle en Frikkie Kotzé wat Potchefstroom vir Perth verruil het. In Melbourne kuier hy by die filosoof Johann Rossouw, wat uiteindelik tog huis toe kom. Aangrypend.