Politieke straatgevegte is aan die orde van die dag en leiers skiet klaaglik te kort. Waar staan Suid-Afrika vandag, soveel jaar ná die demokratiese oorgang? Jan-Jan Joubert, bekende politieke ontleder, betoog dat hoewel die land se puberteit nie sonder storm en drang is nie, alles nie net uitsigloos lyk nie. Hy kyk indringend na maatskaplike euwels, ekonomiese kwessies en die lesse van Marikana in 'n deurdagte blik op die stand van die nasie.