In Dryfhout twyfel Petro, ’n jong onderwyseres, nie aan haar gevoel vir Danie nie. Maar wat dan van die sterk wedersydse aangetrokkenheid tussen haar en haar nuwe skoolhoof? In Gesig van die lewe word liefde, eensaamheid en wanaanpassing op eienaardige maniere geopenbaar in Sarah Bird se losieshuis. Nêrens kom dié dinge beter aan die lig as wanneer ’n groep mense onder een dak saamgegooi word nie. In Uur van die pêrel keer Brenda en Nico terug na Suid-Afrika nadat hulle mekaar op ’n oorsese toer ontmoet en verlief geraak het. Haar nuwe tuiste is Nico se mielieplaas, Mooifontein. Maar nou begin hulle mekaar eers werklik ken . . .