Die aangrypende verhaal van een mens se pad met bipolêre gemoedstoornis.
Professionele joernalis en bekroonde wetenskapskrywer Elsabé Brits vertel haar eie verhaal: hoe dié gevreesde siekte (en mense se reaksie daarop) haar in 2001 platgeslaan het, en hoe sy weer opgestaan en begin loop het – tussen inrigtings, hospitale, breinskokterapie en stereotipes deur.
Haar raak beskrywings laat jou verstaan hoe dit voel om manies “mal te wees”.
Die boek sal van waarde wees vir diegene wat self aan die siekte ly, hul vriende en familie, en mense in die gesondheidsektor, maar dit is ook ’n universele verhaal van wanhoop en ’n nuwe begin.