Dit was ’n reënerige Kersdag. Die jong gesinnetjie was saam kerk toe, en ná die Kersete saam met die familie het hulle op die strand gaan stap. Die man met hul seuntjie op sy rug, die vrou en hul dogtertjie wat agter hulle aangehuppel kom. Sommer so in die loop, totaal onverwags, het die man vir sy vrou gesê hy wil van haar skei. Haar wêreld het in duie gestort. Jacelize de Waal is hierdie vrou, en Salf vir jou seerkry is haar verhaal. Op ’n besonderse manier neem sy die leser op haar pad van genesing. Sy vertel van die salf van genesing wat slegs Jesus Christus ons kan bring: die salf van sy karakter en sy naam, van sy vertroosting en beskerming, van jou identiteit in Jesus en in lof en aanbidding, van sy Woord, van vergifnis, van sy bloed en van sy rus Salf vir jou seerkry sal enigeen wat dieselfde pad stap, hoop gee en bemoedig.