Suider-Afrika se verlore stad en sy skatte het die Romeine, Europese ontdekkingsreisigers en skrywers soos Rider Haggard gefassineer. Alan Paton, Wilbur Smith, Lawrence Green en selfs die apartheidsregering het tevergeefs daarna gesoek. Adam Cruise vertrek op sy eie soektog deur die Kalahari om die mitiese stad te vind wat tot King Solomon's Mines aanleiding gegee het en “die Groot Farini” - die sjarmante waaghals en avonturier aan die kern van die legende - geïnspireer het.