NB Uitgewers | Groot Verseboek Deel 1

Boekverkopers

Groot Verseboek Deel 1

André Brink

ISBN:

9780624045892

Uitgewer:

Tafelberg

Datum Vrygestel:

Februarie 2009

Prys (incl. VAT):

R 350,00

Formaat:

Sagteband, 424pp

Oor hierdie boek:

In die vyftigerjare, toe Groot Verseboek vir die eerste keer deur Tafelberg uitgegee is, en selfs nog in die vroeë tagtigerjare (toe die voorlaaste uitgawe verskyn het), was die Afrikaanse digkuns veel kleiner as vandag. Daarom was dit nodig om, met die uitverkoop van die laaste druk, die bloemlesing te hersien en aan te vul. Dié uitgawe, Groot Verseboek 2000, het vyf drukke beleef en topverkoperlyste gehaal.

André P. Brink, wat met D.J. Opperman meegewerk het aan die laaste uitgawe, het hom as samesteller daarop ingestel om die tradisie van fyn en onbevange lees voort te sit. Saam met die nadruk op gehalte was daar ook 'n besef van stemme wat deur die jare uit die kanon uitgesluit was. In dié hersiening word gepoog om reg te laat geskied aan die ongelooflike verskeidenheid in die Afrikaanse poësie. Groot Verseboek is nou nie net geplaas binne die konteks van 'n nuwe tyd en 'n nuwe eeu nie, maar ook verrassend nuut verpak. Hierdie bloemlesing in drie dele, die omvattendste wat nog ooit oor en uit die Afrikaanse poësie saamgestel is, gee 'n indruk van die omvang én verskeidenheid, die rykdom, die energie, die oorspronklikheid én tradisiebewustheid van die Afrikaanse digkuns.

Self sê Brink: "Agter alle redes en interpretasies, motiverings en verklarings, is daar uiteindelik net één dryfkrag agter hierdie hele onderneming, en dit is dat die samestelling van hierdie bloemlesing vir my 'n liefdesverklaring aan die Afrikaanse poësie is. En soos enige mens of voorwerp van mens se liefde, is hierdie poësie veelduidig vol eindelose verskeidenheid: hetsy hartbeeshuis of woonstel, skakelhuis of herehuis, hierdie huis van ons poësie het vele wonings."

Die eerste deel van die nuwe Groot Verseboek is getuie van 'n avontuur wat maar min in die letterkunde aangetref word: die groei van 'n digkuns, binne enkele dekades, vanuit 'n beskeie, naïewe, amper primitiewe begin tot 'n poësie wat hom nêrens in die wêreld hoef te skaam nie.

Laai die volgende af:

Prys:

Groot Verseboek Deel 1

André Brink

VERWANTE BOEKE

op weg na kû

Vyf-en-veertig skemeraandsange

Gesant van die mispels

Om die gedagte van geel

Klawerjas

Fotostaatmasjien

Nuwe Stemme 6

Bientang

Vers en vlam

grond/Santekraam

Ysterkoei-blues

Swatland

Jan, Piet, Koos en Jakob

Spreuke van C.J. Langenhoven

Mede-wete

Pienk ceramic-hondjies

Stil punt van die aarde

Uit die kroes

Ko lat ons sing

Oolog

die na-dood

Nootvat. Kwashaal. Stapel

Versamelde poësie

Vers & vrou

Asof geen berge ooit hier gewoon het nie

Nou, hier

Chinatown

Kryt

Radbraak

Al die lieflike dade

Versjoernaal - Nuwe benadering tot poësie

Immigrant

Katalekte

'n Vry vrou

Chokers en survivors

Die stomme aarde: 'n keur

Kaar

In die stille agterkamer

Alles het niet kom wôd

Mens dier ding

’n Hunkering se grein

Die heel mooiste Afrikaanse liefdesgedigte

Ingrid Jonker: Versamelde gedigte

Hammie

Rooiborsduif

Groot Verseboek Deel 2

Die beginsel van stof

Die meeste sterre is lankal dood

Kry my by die gewone plek aguur

Die singende hand