Wat is die kerk se rol nou eintlik? Hoe leef ons in ’n gemeenskap van gelowiges waar die Woord van God sigbaar in ons lewens is? Te midde van toenemende antagonisme jeens die kerk heers daar vandag groeiende verskille in kerke se verkondiging van wat kerklewe behoort te wees, die grondbeginsels van die Christelike geloof en die wyses waarop God aanbid moet word. Mark Dever sê ons moet ons op die Woord van God beroep om ons te lei in hierdie vrae. Hoe beter ons God verstaan, hoe beter is ons raamwerk vir kerklewe, geloof en aanbidding. Die kerk speel ’n essensiële rol in God se planne. Dit is die waarneembare gedeelte van Christelike teologie en Christelike lewe kan net gerealiseer word in ons verhoudings met ander. Die eenheid waarin Christene tot mekaar leef verteenwoordig die lewe van ’n nuwe samelewing: een van liefde en vrede tussen mense. God roep mense om sy take op aarde te verrig en Hom op aarde te verteenwoordig. Mark Dever verduidelik dat die kerk ’n eenheid kan wees wanneer gelowiges verenig is in God se waarheid wat in die Bybel gevind kan word.