Drie gewilde Afrikaanse liefdesverhale, nou saamgevoeg in een omnibus. In Raaisel van die liefde is Brian die mooiste man wat Pikkie nog gesien het. Sjarmant en wêreldwys – en boonop ken hy nie die einde van sy geld nie. Maar kan sy hom vertrou? In Klippie in die skoen wil Tobie ’n ouerige vrou aanstel om sy kinders op te pas. Maar dan daag die bloedjong Jantjie op om dié pos te vul. In Verlange na Brandersbaai gaan hou Lizette en ’n vriendin vakansie by die see. Daar leer ken Lizette vir Tom en die aantreklike Hennie, en haar lewe is nooit weer dieselfde nie.