Die Britse magte se verskroeideaardebeleid gedurende die Anglo-Boereoorlog asook die konsentrasiekampe, waarin duisende vroue- en kinders gesterf het, het bitter herinneringe en trauma veroorsaak wat dekades ná die oorlog steeds by Afrikaners en ander Suid-Afrikaners gespook het. In dié nuut opgedateerde volkleurboek gee 'n groep hoogs aangeskrewe historici 'n vars en sober blik, meegebring deur perspektiewe van meer as 'n honderd jaar, op die mees omstrede aspekte van die oorlog.