- Fiksie
- Afrikaanse poësie
Klawerjas
Adam Small
ISBN:
9780624065456
Epub ISBN:
9780624065463
Uitgewer:
Tafelberg
Datum Vrygestel:
September 2013
Prys (incl. VAT):
R 250,00
Formaat:
Hardeband, 148pp
Oor hierdie boek:
Ná veertig jaar is daar weer ’n Afrikaanse digbundel deur Adam Small. Ná Oos Wes Tuis Bes Distrik Ses (1973) het hy demonstratief net in Engels begin dig, en ná sy drama Krismis van Map Jacobs (1983) het sy skrywerstem stil geword. Daar was altyd die vermoede dat hierdie stilte grootliks toegeskryf kon word aan die verwerping wat hy aan die hand van taalgenote ervaar het. Verlede jaar is die Hertzogprys uiteindelik aan hom toegeken, en vanjaar verskyn nie net hierdie digbundel nie, maar ook sy Afrikaanse drama Goree, wat in 1978 in Engels geskryf is.
Small gee in die titelgedig van die bundel te kenne dat Klawerjas ’n uitvloeisel is van ’n bestaanswyse, ’n uiting gee aan die gewaarwording dat hy te midde van soveel armoede en verknegting een van diegene is wat darem nog woorde het “wat aftas teen die mure van ons donker kamers van bestaan, al soekend na die deure, openinge na die lig”. Hy voeg sy stem by Van Wyk Louw en verklaar dat hy te midde van onreg nie juis anders kan nie as om te skryf, te praat en te probeer oorreed.
Hy dig in dié bundel: “Daar’s dié van ons wie nie sonder / poësie kan leef nie. Niemand hoort sonder die ervaring van die ritmiese / golwing en osmose van die fyn-gekose / sin en woord.” Maar wat hy vir homself toe-eien gun hy ook ander. Sy poësie is dan juis ook gedigte vir ander, vir gewone mense. Hy skryf: “Daarom is dit vir ’n digter nodig / om telkemale ’n vers publiek / die lig te laat sien, poësie toeganklik / te maak, en mense so te dien - soos / hierdie gedig-vol-dankbaarheid . . .”
Hoewel hy in hierdie bundel in gesprek tree met mededigters, skrywers, filosowe en ander kunstenaars, skryf hy vanuit die oortuiging dat sy gedigte bestem is “vir gewoon-intelligente mense” en dat dit “hoegenaamd nie 'n vertoon van geleerdheid en obskure hoogdrawendheid moet wees nie”.
Klawerjas bevat gedigte wat spreek van deurleefde ervaring, diepe oortuiging en ’n opregte meegevoel met die lot van die veronregtes. Dit is praatverse wat getuig van ’n fyn oor vir die musikaliteit van die alledaagse, die melodie wat spontaan en ongekunsteld opklink as jy die doodgewone in verwondering gade slaan.
VERWANTE BOEKE
Moerstaāl
Loit Sōls
Ingrid Jonker: Versamelde gedigte
Ingrid Jonker
Sheila Cussons: Versamelde gedigte
Sheila Cussons
Vers en vlam
Jeanette Ferreira
om my kastele in Spanje te sloop
Jaco Barnard-Naudé
Versjoernaal - Nuwe benadering tot poësie
Lucas Malan
Die maan is swart
Adam Small, Ronelda Kamfer
Asof geen berge ooit hier gewoon het nie
Pieter Odendaal
Komas uit 'n bamboesstok
D.J. Opperman
Uit die kroes
Lynthia Julius
Junior verseboek
D.J. Opperman
Soekenjin
Bibi Slippers
In die skadu van soveel bome
Hennie Nortjé
Die lewe is 'n asem lank
Frieda van den Heever, Frieda van den Heever
Kleur kom nooit alleen nie
Antjie Krog
Môre en gistraand en die einde van die maand
Philip De Vos
Radbraak
Jolyn Phillips
Nou in infrarooi
Tom Dreyer
Plunder
Antjie Krog
Digter wordende: 'n keur
Antjie Krog
Ontaard
Pieter Odendaal
Kinderlê
Lynthia Julius
Noudat slapende honde
Ronelda Kamfer