Somervakansie wat te lank was, Die | Young Adult Fiction

Rena Schüler

Willem is soos enige ander standerd 9-seun wat hou van sokker en dans, behalwe in een opsig: sy linkerhand is gebreklik, in plaas van vingers eindig dit net in 'n soort vin. Deur die jare het hy goed leer regkom met sy "halwe hand", maar in sy gedagtes bly steek steeds die herinnering van sy eerste dag op skool toe die meisietjie wat hande moes vat met hom histeries begin gil het. En die storie van sy tante Louisa dat sy ma vir drie weke na sy geboorte so bitterlik gehuil het. Toe Willem saam met sy tante en neef Herman vir die Desembervakansie na Van Wyksbaai gaan, ontmoet hy 'n pragtige meisie, Nelie. 'n Afgryslike ongeluk gebeur by die afgrond oor die sloep, en in die gebeure ontdek Willem wat werklik in hom steek en begin hy uiteindelik aanvaar dat ook hy 'n gelukkige toekoms het en dat sy hand nie regtig soveel saak maak nie.